Azərbaycan Respublikası Prezidentinin 2020-ci il 27 noyabr tarixli Sərəncamı ilə təsdiq edilən "Uşaqlara dair Strategiyanın həyata keçirilməsi üzrə 2020–2025-ci illər üçün Fəaliyyət Planı"na uyğun olaraq TƏBİB-in və BMT-nin Uşaq Fondunun (UNICEF) tərəfindən dəstəklənən tibbi təhsil və tibbi təlimlər davam edir.

 

Aztibb.az xəbər verir ki, bu dəfə təlimlər Sumqayıt şəhərində keçirilib. Tədbirdə körpələrin 6 ayına kimi yalnız ana südü ilə qidalandırılması ilə bağlı müzakirələr aparılıb. Qeyd olunub ki, "Körpə dostu" strategiyasına görə bu işdə həkimlərimizin mühüm töhfəsi var. Xüsusən xəstəxana rəhbərliyi doğum evində yalnız ana südünün verilməsini dəstəkləməlidir.

 

Bildirilib ki, hamiləliyi izləyən ginekoloqlar ana ilə konsultasiya zamanı sahə həkimləri, neonatoloqlar, pediatrlar, tibb bacıları ana südünün faydalarını dəfələrlə xatırlatmalı, düzgün əmizdirməyi izah etməlidir:

 

"Ana südünü verərkən zəncir qırılmamalıdır. Hər ananın südü var və hər bir ana südü ilə balasını bəsləyə bilər. Yetər ki özünə əmin olsun".