Çinli alim görünməmiş bir evlilik təklifinə imza atıb. Alim Zhi-jun Li müəllifi olduğu “Karpal tunel sindromunda aşağı səviyyəli lazerin effektivliyi" başlıqlı tibbi məqaləsinin “Təşəkkürlər” bölməsində evlilik təklifi edib.

Aztibb.az xəbər verir ki, Zhi-jun Li son 10 ildə göstərdiyi əvəzsiz dəstəyə görə Katarina Zhuya təşəkkür edib. Məqalənin qeyd edilən bölməsində “Mənimlə evlənərsənmi Katarina?” yazıb.

Evlilik təklifi elmi məqalənin yayımlandığı “PubMed” veb saytında görənləri təəccübləndirib.

Sosial mediada da diqqət çəkən bu hadisə müxtəlif şərhlərlə yadda qalıb. Məqalənin ardınca edilən bu təklif olayına “tarixə yazılan evlilik təklifidir” şərhi verilib.

“Yəqin ki Katarina bu təklifə redaktora məktub yazaraq cavab verəcək”, – deyə şərhlərdə bildirilib.