Ötən ilin dekabr ayında evdən çıxan koronavirus xəstəsinə Abşeron rayon məhkəməsində hökm oxunub.

Belə ki, Bakı Gəmiqayırma və Gəmi təmiri zavodunda mühəndis vəzifəsində işləyən T.Əkbər oğlu dekabrın 11-də COVID-19 virusuna yoluxduğunu bilib və testin cavabının pozitiv olması haqda SMS xəbərdarlıq da alıb. Dekabrın 22-də yaşadığı evdən çıxaraq Xırdalan şəhərində avtobus dayanacağına gəlib və bu zaman polislər ona yaxınlaşaraq kimliyini yoxlayarkən aktiv koronavirus xəstəsi olduğu məlum olub.

Polis əməkdaşları tərəfindən videoçəkiliş aparılmaqla yaşadığı evə təhvil verilib. Ona Cinayət Məcəlləsinin 139-1.1-ci maddəsi ilə ittiham elan edilib.

Həmin vaxt aktiv koronavirus xəstəsi kimi qeydiyyatda olduğumu bildilər. Etdiyim əməldən peşmanam və ilk dəfə cinayət məsuliyyətinə cəlb olunduğumu nəzərə alaraq yüngül cəza təyin edilməsini xahiş edirəm”.

Hakim Sevinc Quliyevanın hökmü ilə T.Əkbəroğluna 3 il müddətə azadlığın məhdudlaşdırılması cəzası təyin edilib. O, 3 il ərzində elektron qolbaq taxaraq Bakı şəhər və Abşeron rayonu hüdudlarını və saat 23:00-dan saat 07:00-dək yaşayış yerini tərk etməməlidir.