Azərbaycan Respublikası Səhiyyə Nazirliyinin K.Y. Fərəcova adına Elmi-Tədqiqat Pediatriya İnstitutunun direktoru müəssisədə müalicə alan şəhid ailəsinin övladları ilə maraqlanıb, həmçinin şəhid Əliyev Orxan Məhəmməd oğlunun anası ilə görüşüb.

 

Elmi-Tədqiqat Pediatriya İnstitutundan Aztibb.az-a bildirilib ki, görüş zamanı uşaqların səhhəti, müalicə prosesi və ümumi vəziyyəti barədə məlumat alınıb. Direktor uşaqların sağlamlıqlarının bərpası üçün göstərilən tibbi xidmətlərlə maraqlanıb, onların müalicəsinin diqqətdə saxlanılmasının vacibliyini vurğulayıb, tibbi xidmətin keyfiyyətinə dair şəhid ailəsi ilə maraqlanıb.

 

Şəhid ailələrinə xüsusi diqqət və qayğı göstərilməsinin əhəmiyyəti qeyd olunub, şəhid anası ilə səmimi söhbət aparılıb və onun qayğıları, istəkləri dinlənilib.

 

Elmi-Tədqiqat Pediatriya İnstitutu şəhid və qazi ailələrinə diqqət və qayğının göstərilməsini, uşaqların sağlamlığının qorunmasını və onların keyfiyyətli tibbi xidmətlə təmin olunmasını daim prioritet istiqamətlərdən biri kimi xüsusi diqqətdə saxlayır.