“Türkiyəni 120 milyon doza peyvəndlə təmin etmək üçün "BioNTech" firması olaraq müqavilə bağladıq”.
Aztibb.az-ın xəbərinə görə, bunu Türkiyənin Səhiyyə Nazirliyinin nəzdində fəaliyyət göstərən Elm Qurumunun onlayn iclasında "BioNTech" firmasının icraçı direktoru, türkiyəli professor Uğur Şahin bildirib.
U.Şahin deyib ki, iyun ayında 30 milyon, sentyabr ayının sonunadək isə 120 milyon doza vaksin artıq Türkiyədə olacaq.
Onun sözlərinə görə, yeni növ koronavirus əleyhinə hazırlanan bu peyvəndlər COVID-19-un mutasiyaya uğrayan İngiltərənin “Kent”, Afrika və Hindistan versiyasına qarşı da müəyyən qədər qoruyuculuğa malikdir.
Professor U.Şahin iyun ayının ilk ongünlüyündə Türkiyəyə həm peyvənd kampaniyasına dəstək, həm vaksin istehsalı, həm də klinika açmaq üçün səfər edəcəyini də açıqlayıb.