Onun bildirdiyinə görə, müasir dövrümüzdə ortoped-travmatologiya onurğa, ətraflar, eləcə də onlara bağlı bədən üzvlərinin görünüş və funksiyalarının tibbi-cərrahi və fiziki üsullarla qorunmasını, araşdırılmasını və bərpasını əhatə edən tibbin bir sahəsidir.

 

C.Nəsirli ortopetik-travmotologiya sahəsinin Azərbaycanda da yüksək səviyyədə inkişaf etdiyini qeyd edib: “Bu sahə tibbin ən önəmli sahələrindən biri hesab olunduğundan, hazırda müasir texnologiyalardan istifadə edilməklə dünyada aparılan bütün əməliyyatlar ölkəmizdə də uğurla həyata keçirilir. Qarabağda gedən Vətən müharibəsi dövründə də ortopedik-travmatoloqlar fədakarlıqla çalışdılar. Onlar döyüşlərdə yaralanan hərbçilərimizə tibbi yardımlar göstərdi, bacarıqlarını əsirgəmədilər. Sıralarımızdan şəhid olanlar da oldu. Torpaqlarımızın işğaldan azad edilməsində ortoped-travmatoloqlarımızın öz payı var”.