İcbari Tibbi Sığorta üzrə Dövlət Agentliyinin Vətəndaş müraciətləri şöbəsinin koordinatoru Nərgiz Hacıyeva "Facebook" üzərindən canlı yayımda vətəndaşların “İcbari tibbi sığorta çərçivəsində göstərilən tibbi xidmətlər” mövzusunda suallarını cavablandırıb.

Aztibb.az xəbər verir ki, N.Hacıyeva İcbari tibbi sığorta ilə özəl xəstəxanalara müraciət etmək mümkünlüyü məsələsinə də aydınlıq gətirib:

"Vətəndaş hər hansı bir sağlamlıq problemi ilə bağlı əvvəlcə ilkin səhiyyə müəssisəsinə müraciət etməlidir. İlkin səhiyyə müəssisəsi həmin şəxsi dövlət tibb müəssisəsinə yönləndirir. Burada göstərilməyən xidmətdən istifadə olunması zərurəti yaranmışsa bu zaman İcbari Tibbi Sığorta üzrə Dövlət Agentliyi ilə müqavilə bağlamış özəl tibb müəssiələrinə müraciət olunur".