AMEA Torpaqşünaslıq və Aqrokimya İnstitutunun Gənc Alim və Mütəxəssislər Şurasının təşəbbüsü ilə elmi müəssisənin əməkdaşları “Qan ver, can qurtar!” devizi altında könüllü qanvermə aksiyasında iştirak ediblər.

İnstitutdan Aztibb.az-a bildirilib ki, qanvermə aksiyası 44 günlük Vətən müharibəsində iştirak etmiş, Azərbaycan Respublikasının ərazi bütövlüyü uğrunda canlarını qurban verməyə hazır olan qazilərimizə yardım məqsədilə təşkil olunub. Aksiyada Mərkəzi Qan Bankının xüsusi tibb briqadası tərəfindən hər bir donorun sağlamlığı əvvəlcədən analiz aparılmaqla müəyyənləşdirilib və qan götürülüb.