Artıq 5 aydır Salyan Rayon Mərkəzi Xəstəxanasının Qəbul şöbəsinin yerində Təcili Yardım Bölməsi yaradılıb.

Aztibb.az xəstəxananın məlumatına istinadla xəbər verir ki, bu müddət ərzində yaradılmış yeni bölməyə 2000-dən artıq müraciət olmuşdur.

Avtoqəza travmaları, məişət travmaları, hipertonik kriz, insult, heyvan dişləmələri, zəhərlənmələr, müxtəlif mənşəli qanaxmalar və s. diaqnozlarla müraciət edən Salyan vətəndaşları bu bölmədə ilkin və lazımi yardım alıblar. Bölmə maksimum dərman preparatları ilə təchiz olunub.

Yaxın aylar ərzində avadanlıq imkanlarının bir qədər də genişləndirilməsi nəzərdə tutulur.