Mayın 21-də saat 09:00-da Azərbaycanda onkoloji xidmətin yaradılmasının 80 illiyinə həsr edilmiş “Bədxassəli şişlərin diaqnostikası və müalicəsinə müasir yanaşma” mövzusunda elmi konfrans keçiriləcək.

 

Aztibb.az xəbər verir ki, Heydər Əliyev Fondunun “Regional İnkişaf” İctimai Birliyi, Azərbaycan Respublikası Səhiyyə Nazirliyi Milli Onkologiya Mərkəzi, Amerika Kliniki Onkologiya Cəmiyyəti və Azərbaycan Onkoloqlar Cəmiyyətinin birgə təşkilatçılığı ilə baş tutacaq konfrans “Zoom” platforması üzərindən onlayn formatda gerçəkləşəcək.

 

Tədbirdə Azərbaycanda onkologiya elminin müvafiq sahələrinin inkişafından, əldə olunan yeniliklərdən bəhs olunacaq, həmçinin ABŞ, Böyük Britaniya, İtaliya, Türkiyə və Azərbaycandan olan mütəxəssislər bədxassəli şişləri əhatə edən müxtəlif mövzularda çıxışlar edəcəklər.

 

Elmi konfransda iştirak etmək üçün aşağıdakı link vasitəsilə qeydiyyatdan keçmək mümkündür.