Hər il Azərbaycan Tibb Universiteti (ATU) rəhbərliyinin təşəbbüsü ilə ümummilli lider Heydər Əliyevin anadan olmasının ildönümü ərəfəsində aztəminatlı ailələrdən olan tələbələr üçün ödənişsiz göz əməliyyatları həyata keçirilir.

 

Aztibb.az xəbər verir ki, ATU-nun rektoru, professor Gəray Gəraybəyli və ATU-nun Tədris Cərrahiyyə Klinikasının Oftalmologiya şöbəsinin müdiri Qurban İsmayılovun təşəbbüsü ilə bu dəfə 17 nəfərin gözündə zəruri cərrahiyyə əməliyyatı aparılıb.

 

Oftalmoloq-həkim Qurban İsmayılov qeyd edib ki, əməliyyat edilənlərdən 2-si rezident, qalanları isə tələbələr olub. Onların gözündə Excimer lazer əməliyyatı icra edilib.