“Şəhərdə xüsusi panduslarla təchiz olunmuş avtobusların fəaliyyəti əlilliyi olan şəxslərin cəmiyyətə inteqrasiyasını təmin edir. Əvvəllər biz əlil arabası ilə səkilərə daxil ola bilmirdik, yaxud avtobuslardan istifadə edə bilmirdik. Layihələr çərçivəsində əlçatan səkilərin olması bizim işimizi yüngülləşdirir. Bu yaxınlarda Bakı ətrafında yerləşən Qala kəndində “BakuBus”a məxsus avtobusun xəttə buraxılması o ərazidə yaşayan əlilliyi olan şəxslərin ictimai nəqliyyatdan istifadəsini mümkün edib”.

Bunu Milli Paralampiya Komitəsinin əməkdaşı, müyəssərlik üzrə ekspert Qoşqar Əkbərov deyib. Onun sözlərinə görə, son zamanlar paytaxtda Bakı Nəqliyyat Agentliyi tərəfindən görülən işlər təqdirəlayiqdir:

Q.Əkbərov bütün bunlarla yanaşı, Bakıətrafı kəndlərdə yaşayan əlilliyi olan şəxslərin ictimai nəqliyyatdan istifadə edə bilmədiklərini qeyd edib:

“Çox istərdik ki, əlilliyi olan şəxslər üçün nəzərdə tutulan səkilər, ictimai nəqliyyat şəhərətrafı ərazilərdə də təşkil olunsun. Bəzi kəndlərdə yeraltı keçidlər var, amma onlardan istifadə mümkünsüzdür. Şəhərətrafı kəndlərdəki pandusların maillilik dərəcəsi ondan istifadəyə imkan vermir. Elektrikli platformalar quraşdırılan yerlərdə isə onlardan istifadə etmək olmur. Ümid edirik ki, Bakıdakı şərait kəndlərdə də yaradılacaq”.