Hazırda Azərbaycanda qızılca xəstəliyi yox səviyyəsindədir.

Aztibb.az-ın məlumatına görə, bunu Respublika Gigiyena və Epidemiologiya Mərkəzinin baş direktorunun müavini Afaq Əliyeva deyib. Onun sözlərinə görə, immunlaşdırma həftəsində valideynlər uşaqlarını peyvəndə gətirməlidirlər:

“Peyvəndləmə nəticəsində respublikada polimelit xəstəliyinin qarşısı alınıb. Məxmərək, epidemik paratit, və digər peyvəndlə idarə olunan xəstəliklər yox səviyyəsindədir”.

A.Əliyeva qeyd edib ki, allergiyanın kəskin dövründə və ciddi xəstəliyi olan uşağa peyvənd vurulmur: “Peyvənd sağlam uşağa vurulmalıdır və o yad zülal olduğundan bədəndə müəyyən reaksiyaların olması gözləniləndir”.