Rusiyada iki yaşlı uşağın mədəsindən 209 maqnit topu çıxarılıb.

Aztibb.az Rusiya mətbuatına istinadən xəbər verir ki, 2 yaşındakı bir uşaq ailəsinin xəbəri olmadan, neodimyum adlanan maqnit toplarından udub. Bir neçə gün sonra uşağın nəcisinin qara olduğunu görən valideynlər ailə həkiminə müraciət ediblər. Xəstəxanaya aparılan körpə rentgen müayinəsindən keçirilib. Bu zaman uşağın mədəsində maqnit topları aşkarlanıb.

Həkimlər 2 saat çəkən əməliyyat zamanı uşağın bağırsaqlarından 209 maqnit topu çıxarıblar. Çıxarılan maqnit toplarının bəzilərinin mədə astarını deşə biləcək kəskin kənarlara sahib olduğu bildirilib.

Qeyd edək ki, hazırda azyaşlının sağlamlığının yaxşı olduğu bildirilib.