“İrəvan apteklərində Azərbaycandan gələn dərman preparatları satılır”.

Bu barədə İrəvan sakini Kara Avetisyan öz feysbuk hesabında yazıb. O qeyd edib ki, İrəvanda bir aptekdən aldığı dərmanın qutusunun içindən Azərbaycan dilində təlimat kağızı çıxıb.

“Bu gün dərman alıram və içində Azərbaycan dilində bir təlimat kağızı var”,- deyə Avetisyan qeyd edib.

Dərmanın Ermənistana qaçaqmalçılıq yolu ilə gətirildiyi ehtimal olunur.

Verelq.am saytı bildirir ki, Azərbaycanla Ermənistan arasında əlaqələrin olmamasına baxmayaraq Azərbaycandan gələn dərmanların satılması, dərmanların qeydiyyatı və etiketlənməsi Ermənistan qanunvericiliyinin tələblərinin pozulması deməkdir.