Hindistanda xəstəxanada yanğın olub, ölənlər var
18.04.2021 11:13

Hindistanın Çhattisqarx ştatının Raypur şəhərində koronavirusa yoluxan xəstələrin müalicə olunduğu xəstəxanada baş vermiş yanğın zamanı azı dörd nəfər ölüb.

 

Aztibb.az xəbər verir ki, bu barədə “Hindustan Times” qəzeti yerli polisə istinadən məlumat yayıb.

 

“Hadisə nəticəsində dörd xəstə ölüb. Onlardan biri yanaraq, daha üç xəstə isə boğularaq ölüb”, - deyə bildirilib.

 

Qəzetin yazdığına görə, yanğının səbəbi hava tənzimləyicisində baş vermiş qısaqapanma olub, daha sonra yanğın digər palatalara da yayılıb.

 

Yanğınsöndürənlər qalan xəstələri xəstəxana binasından təxliyə ediblər.