Nyu-York Universitetinin Qrossman Tibb Məktəbinin tədqiqatçıları bildirirlər ki, ana olmağa hazırlaşan qadınlarda piylənmə hamiləliyin ikinci trimestrindən başlayaraq uşaqların beyninin inkişafına mane ola bilər.

Aztibb.az meddaily.ru-ya istinadla xəbər veriri ki, ekspertlər bədən kütlə indeksi (BKİ) 25-dən 47-yə qədər olan 109 qadını tədqiqata cəlb ediblər. Qəbul edilmiş normalara əsasən, BKİ 25 və ondan yuxarı olduqda "artıq çəki", 30 və daha yüksək olduqda isə "piylənmə" hesab olunur. Tədqiqatda iştiak edən qadınlar hamiləliyin 6-9 ayında olublar. Araşdırma zamanı dölün beyni skan edilib və anaların BKİ-si ölçülüb.

Yeni tədqiqatda uşaqlarda beyninin iki sahəsində baş verən dəyişikliklər ananın yüksək BKİ-si ilə əlaqələndirilib. Bu sahələr qərarların qəbul olunması və davranışda əsas rolu oynayır.

Qeyd edək ki, bundan öncə qeyd olunan beyin sahələrində rast gəlinən nasazlıqlar diqqət çatışmazlığı sindromu, autizm və çox yeməyə meyilliliklə əlaqələndirilirdi.