11 ayın sultanı, müqəddəs Ramazan ayının ilk günü. Ramazan - saflıq, paklıq, təmizlik ayı olmaqla yanaşı, həm də sağlamlıq ayıdır. Çünki oruc tutmaq bəzi xəstəliklərin də müalicəsi hesab edilir. Bəs mövcud pandemiya rejimində kimlər oruc tuta bilər? Aztibb.az xəbər verir ki, Mərkəzi Gömrük Hospitalının həkim infeksionisti Mədinə Abdullayeva AZTV-nin “Səhər” proqramına müsahibə verib. 

 

O, bildirib ki, orta və ağır dərəcədə COVID-19 keçirən insanlara ilk 3 ayda oruc tutmaq tövsiyə olunmur. Xroniki xəstəlikləri olan insanların oruc tutması da müəyyən problemlərə yol aça bilər. COVID xəstəliyindən tam sağalan şəxslər isə oruc tutarkən həm sahurda, həm iftarda öz rasionlarında bol maye, vitaminlər və karbohidratlara üstünlük verməli, protein balansını düzgün nizamlamalıdırlar. 

 

"Xüsusilə tərkibində C vitamini olan zəngin qidalar qəbul etmək lazımdır ki, immunitet zəifləməsin", - deyə həkim əlavə edib.