ABŞ-ın molekulyar bioloqları qrip virusunun zəiflədilmiş formasının genomunun bir hissəsini SARS-CoV-2-nin RNK-sı ilə əvəz edərək yeni növ koronavirusa qarşı daha bir vaksin yaradıblar. Alimlər vaksin üçün əsas kimi qrip əleyhinə geniş tətbiq edilən peyvənddən istifadə ediblər.
Aztibb.az tass.ru-ya istinadla xəbər verir ki, preparat siçanlar üzərində müvəffəqiyyətlə sınaqdan keçirilib.
Bu vaksinin tək dozası siçanların orqanizmini təxminən COVID-19 xəstəliyini keçirmiş insanların qanının zərdabında olduğu qədər SARS-CoV-2-ni neytrallaşdıran anticismlər istehsal etməyə məcbur edib. Bu halda vaksin gəmiricilərdə heç bir xəstəlik simptomuna səbəb olmayıb.
"Onu qrip əleyhinə peyvəndlərin artıq mövcud olan platformalarından istifadə edərək sənaye miqyasında istehsal etmək mümkündür", – deyə tədqiqatçılar məqalələrində qeyd ediblər.