Mayami Universitetində aparılan bir araşdırmadan sonra “Pfizer” və “Moderna” peyvəndi vurulan kişilərin sperma sayında və keyfiyyətində artım müşahidə edilib.

Aztibb.az xəbər verir ki, peyvəndin sonsuzluğa səbəb olması iddialarını təkzib edən tədqiqatın nəticələri geniş müzakirə olunub.

Araşdırmalarda iştirak edən 18-50 yaş arası 45 könüllüyə BNT162b2 (Pfizer-BioNTech) və mRNA-1273 (Moderna) peyvəndləri vurulub.

İştirakçılardan birinci doza peyvənd olunmamışdan öncə və ikinci dozadan təxminən 70 gün sonra toxum nümunələri toplanıb.

Nəticələr 

45 kişidən 8-i peyvəndləmədən əvvəl oliqospermik idi. Həmin 8 nəfərdən 7-nin təqib zamanı sperma konsentrasiyasının artırdığı və 1-nin oliqospermik qaldığı öyrənilib. Həm peyvənddən sonra heç bir kişidə spermatozoid hüceyrelerinin yox olması halına rast gəlinməyib. 

Ümumilikdə isə bir və ya iki doza peyvənd vurulan kişilərin sperma sayında 22-90% arası artım təsbit edilib. 

Tədqiqatın nəticələri  nüfuzlu “JAMA” jurnalında yayımlanıb.