Bir tibbi brendin tarixi: “AstraZeneca”

Bir tibbi brendin tarixi: “AstraZeneca”

27.12.2021 16:55

“AstraZeneca” baş ofisi İngiltərənin Kembric şəhərində yerləşən İngilis-İsveç əczaçılıq şirkətidir.

1913-cü ildə yaradılan şirkət 16 ölkədə istehsalla məşğuldur və məhsulları 170-dən çox ölkədə satılır.

2012-ci ildə dərman satışı və onlarla ölkədə apardığı araşdırmalarına görə dünyanın 7-ci ən böyük əczaçılıq şirkəti olub.

“AstraZeneca” bir çox mühüm tibbi sahələr, xüsusilə onkologiya, diabet, ürək-damar və tənəffüs sistemi xəstəliklərinə qarşı dərmanlar istehsal edir.

Şirkət 1999-cu ildə İsveçdə yerləşən “Astra AB” və Böyük Britaniyada yerləşən “Zeneca Group”un birləşməsi ilə yaradılıb və bu günə qədər “Cambridge Antibody Technology”, “MedImmune”, “Spirogen” və “Definiens” kimi bir çox təşkilatları birləşdirir.

23 Noyabr 2020-ci ildə “Oxford-AstraZeneca” peyvəndlərinin uğurlu sınaqdan keçirildiyini elan edərək, insanlarda 70% simptomların inkişafının qarşısını aldığını açıqlayır.

30 dekabr 2020-ci ildə Böyük Britaniya “AstraZeneca”nın koronavirus peyvəndinin təcili istifadəsini təsdiqləyir.

29 yanvar 2021-ci ildə Avropa Dərman Agentliyi (EMA) 18 yaşdan yuxarı insanlara şirkətin peyvəndi olan “AZD1222” üçün şərti marketinq icazəsinin verilməsini tövsiyə edir.

30 mart 2021-ci ildə İsveç Dərman Agentliyi EMA-nın təsdiqindən sonra peyvəndin adını “Vaxzevria” olaraq dəyişəcəyini bildirir.

Hazırda “AstraZeneca” yüksək məbləğli səhiyyə xidmətinə görə London Fond Birjasında ilkin siyahıda yer alır.

Oksford Universiteti ilə birgə əməkdaşlıq edərək, peyvənd hazırlayan “AstraZeneca” şirkəti ötən ayın məlumatına görə, pandemiya başlayandan dünya ölkələrinə 2 milyard doza peyvənd tədarük edib. Bu göstəriciyə əsasən dünya səviyyəsində “AstraZeneca” yalnız Çinin “Sinovac” şirkətindən geri qalıb.

Şirkət hesab edir ki, bu peyvəndlə indiyədək 50 milyon insan peyvənd olunub.

Mütəxəssislər “AstraZeneca” peyvəndi və onun müsbət təsirləri ilə bağlı kifayət qədər elmi tədqiqatların mövcud olduğunu qeyd edirlər. Bildirilir ki, aparılan elmi tədqiqatlarda peyvənd olunan şəxslərdə virus yükünün xeyli aşağı endiyi məlum olub.

Aztibb.az