Rusiyanın Səhiyyə Nazirliyi koronavirus infeksiyasının profilaktikası məqsədilə N.F.Qamaleya adına Epidemiologiya və Mikrobiologiya Milli Tədqiqat Mərkəzinin işləyib hazırladığı “Qam-kovid-vak” (“Sputnik V”) vaksininin nazal formasını qeydiyyatdan keçirib.

Aztibb.az bu barədə sputnik.by-a istinadla xəbər verir.

Bildirilir ki, vaksin “Sputnik V” vaksini kimi iki komponentdən ibarətdir və xüsusi taxma-püskürdücü vasitəsilə burun boşluğuna 3 həftə intervalla, yəni “praym-bust” rejimində yeridilir.

Nazirlikdə izah ediblər ki, bu cür immunlaşdırılma koronavirus infeksiyasına yanaşmada tənəffüs yolu seliyinin səthində mukozal immunitet formalaşdırır. “Pasiyentlərə nazal vaksinin tətbiqi “SARS-CoV-2” virusunun əmələ gətirdiyi infeksiyaya qumoral və hüceyrə immunitetli cavabı formalaşdırır”, - deyə məlumatda qeyd olunur.

Hazırkı mərhələdə preparatdan 18 yaş və yuxarı yaş həddində olan şəxslərin vaksin profilaktikasını yerinə yetirən tibb müəssisələri şəraitində istifadə olunmasına icazə verilib.