Alimlər dünyada milyonlarla insanın ölümünə səbəb olan koronavirus epidemiyası ilə bağlı diqqətəlayiq araşdırma aparıblar.

Aztibb.az medimagazin.com.tr-yə istinadla bildirir ki, Braziliyanın Sao Paulo Universitetinin alimləri bitki mənşəli qidalar qəbul edən şəxslərin COVID-19-a yoluxma ehtimalının daha az olduğunu açıqlayıblar.

"BMJ Nutrition Prevention & Health" jurnalında dərc olunan araşdırmada 702 nəfərin məlumatları araşdırılıb. Tədqiqat vegan və vegetarian diyetlərdə olan şəxslərin COVID-19-a yoluxma ehtimalının daha az olduğunu ortaya qoydu.

Elm adamları tədqiqat iştirakçılarını iki qrupa ayırıblar: ət istehlak edənlər və bitki mənşəli qidalardan istifadə edənlər. Ət istehlak edənlərin yüzdə 52-nin koronavirusa yoluxduğu, bitki mənşəli qidaları istehlak edənlərdə isə bu nisbətin yüzdə 40 olduğu bildirilib.