Sertifikatlaşdırılmış peyvənd bazara çıxarılacağı təqdirdə Azərbaycan Respublikası tərəfindən onun alınması, vətandaşlara çatdırılması üçün işlər görüləcək.
Aztibb.az-ın məlumatına görə, bunu Azərbaycan Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev Nazirlər Kabineti yanında Operativ Qərargahın brifinqində deyib.
O, bildirib ki, peyvəndlərlə bağlı müxtəlif araşdırmalar aparılır:
"Azərbaycan bu araşdırmaları yaxından izləyir. Tədqiqatlarda iştirak edən şəxslərlə fikir mübadiləsi aparılır. Sertifikatlaşdırılmış peyvənd bazara çıxarılacağı təqdirdə Azərbaycan Respublikası tərəfindən onun alınması, vətandaşlara çatdırılması üçün işlər görüləcək. Bununla bağlı Operativ Qərargahın tərkibində xüsusi əməkdaşlar var".