Adi günlərdə Təcili və Təxirəsalınmaz Tibbi Yardım Stansiyasına edilən müraciətlərin sayı 1500-1600 arasında dəyişir. Yoluxma sayının artdığı günlərdə, qeyri-iş günləri, bayram günlərində edilən müraciətlərin sayında xeyli artım müşahidə olunur.

Aztibb.az xəbər verir ki, bunu Bakı şəhər Təcili və Təxirəsalınmaz Tibbi Yardım Stansiyasının əməliyyat işləri üzrə baş həkimin müavini Nuridə Fərzəliyeva deyib.

Onun sözlərinə görə, Novruz bayramı günlərində çağırışların sayı 2500-ə bərabər olub: “Bu, tək çağırışların sayıdır. 103 “Çağrı Mərkəzi”nə daxil olan zənglərin sayı isə daha çoxdur. Elə günlər var ki, 103 “Çağrı Mərkəzi”nə daxil olan zənglərin sayı 10 minə çatır”.