Tanınmış teleaparıcı və aktyor Ramiz Hüseynzadə dünən qəfildən dünyasını dəyişib. 

Aztibb.az xəbər verir ki, yaxınlarının bildirdiyinə görə, Ramiz Hüseynzadədə olan xəstəliyin eynisi onun anasında da olub:

“Ramiz yüksək təzyiqdən əziyyət çəkirdi. Ramizdə olan xəstəlik onun anasında var imiş və hər ikisi də eyni yaşda vəfat edib.

O, dünən günorta saatlarında evə gəlib və özünü yaxşı hiss etmədiyini deyib. Sonra yatıb, yuxudan ayılanda sağ tərəfinin keyidiyini bildirib və dərhal təcili tibbi yardım çağırılmasını istəyib. Təcili yardım gələnə qədər isə beyninə qan sızmadan vəfat edib".

Qeyd edək ki, Ramiz Hüseynzadənin 41 yaşı var idi. Ailəlidir, 3 övladı vardı.