Əmək və Əhalinin Sosial Müdafiəsi Nazirliyinin (ƏƏSMN) tabeliyindəki Sosial Xidmətlər Agentliyinin bütün sosial xidmət müəssisələrində olduğu kimi, “Qocalar evi” kimi tanınan Ahıl Şəxslər üçün Sosial Xidmət Müəssisəsində də sakinlərin COVID-19 infeksiyasından qorunması təmin edilir.
Nazirliyin İctimaiyyətlə əlaqələr və kommunikasiya şöbəsindən bildirilib ki, müəssisədə bütün bölmə və guşələr mütəmadi dezinfeksiya edilir:
“Profilaktik tədbirlərin effektivliyi, sanitar-gigiyenik vəziyyətə daim ciddi nəzarət olunur. Bununla bərabər, peyvəndləmə işləri də aparılıb. Tənha ahıl şəxslərin ilkin mərhələdə vaksinasiyası aparılıb, hazırda isə ikinci vaksinasiya işləri aparılır”.
Nazirliyin məlumatına görə, 200-dən çox sakinin yaşadığı müəssisədə koronavirusa yoluxma halı olmayıb.