Dünyada koronavirusa yoluxanların sayı son sutka ərzində 276 mini ötüb.

Aztibb.az xəbər verir ki, bu barədə Ümumdünya Səhiyyə Təşkilatının (ÜST) gündəlik hesabatında deyilir.

Avqustun 13-ü saat 12:00 üçün olan məlumata əsasən, ötən sutka ərzində 276 398 nəfər yeni koronavirusa yoluxub, 6 933 nəfər isə dünyasını dəyişib. Yoluxanların ümumi sayı 20 439 814, ölənlərin isə 744 385 nəfərə çatıb.

Ən çox yoluxma və ölüm halları Cənubi və Şimali Amerikada qeydə alınıb - 10 950 220 yoluxma və 398 229 ölüm halı.

İkinci yerdə Avropa regionu qərarlaşıb. Burada yoluxanların sayı 3 668 652, ölənlərin sayı isə 218 255 nəfərə çatıb.

Üçüncü yeri Cənub-Qərbi Asiya regionu tutur, burada ümumilikdə 2 830 404 yoluxma və 56 636 ölüm halı qeydə alınıb.

Qeyd edək ki, ÜST-ün hesabatı yalnız rəsmi göstəricilər əsasında hazırlanır.