Azərbaycan Tibb Universiteti (ATU) Tədris Terapevtik Klinikası virusla mübarizədə daha bir uğur əldə edib.  Belə ki, həkimlərin səyi nəticəsində koronavirusa yoluxmuş 81 yaşlı Nəriman Məşədiyev xəstəliyə tamamilə qalib gəlib.

Qeyd edək ki, ahıl yaşda olan N.Məşədiyevin həm də Parkinson xəstəsi olması onun durumunu daha da ağırlaşdırıb. Xəstə iyulun 17-də ATU-nun Tədris Terapevtik Klinikasının reanimasiya şöbəsinə daxil olub. İlk günlər onun vəziyyəti çox ağır olub. Lakin klinikanın  tibb heyətinin səyi ilə 81 yaşlı xəstəni tam sağlatmaq mümkün olub.

N.Məşədiyev koronavirusa qalib gələrək klinikadan evə buraxılıb.