Gəncədə iki orta məktəb koronavirus infeksiyası səbəbindən distant təhsilə keçib.

Bu barədə Gəncə şəhər Təhsil İdarəsinin müdiri Anar Qədiməliyev məlumat verib.

Onun sözlərinə görə, Gəncə şəhər 30 saylı tam orta məktəbdə 1 şagirdin, şəhər 13 nömrəli tam orta məktəbdə isə 1 müəllim və 1 şagirdin COVID-19-a yoluxmaları təsdiq olunub. Bu səbəbdən də hər iki məktəbdə dərslərin distant formada keçirilməsinə qərar verilib.

Anar Qədiməliyev, həmçinin qeyd edib ki, şəhərdə 47 min şagirdən 9-da və 5500-dən artıq pedaqoji heyətin 11-də koronavirus aşkar olunub.