Bu il Azərbaycanda doğulan uşaqların sayı açıqlanıb.

Aztibb.az xəbər verir ki, bu barədə Dövlət Statistika Komitəsi məlumat yayıb.

Bildirilib ki, bu ilin yanvar ayında Ədliyyə Nazirliyinin rayon (şəhər) qeydiyyat şöbələri tərəfindən 10 812 doğulan körpə qeydə alınmış və əhalinin hər 1 000 nəfərinə bu göstərici 12,7 təşkil edib.

Doğulanların 53,4 faizi oğlan, 46,6 faizi isə qız uşaqlarıdır. Körpələrdən 238-i əkiz, 6-sı isə üçəm doğulanlardır.