"Vaxtında normal kompensasiya olunan diabet xəstələrində COVID-19 xəstəliyi normal keçir, kompensasiya olunmayan, nəzarətsiz şəkərli diabet xəstələrində isə daha ağır fəsadlarla nəticələnir".

Bunu Səhiyyə Nazirliyinin baş endokrinoloqu Babək Salek Qənnadi deyib.

Mütəxəssis qeyd edib ki, qanda şəkərin kəskin yüksəlməsi diyabetik ketoasidoz, diyabetik nefropatiya, diabetik retinopatiya kimi fəsadlara gətirib çıxarır: "Bu səbəbdən də COVID-19-un ölüm statistikasında kardiovaskulyar xəstələrdən sonra ikinci yerdə şəkərli diabet xəstələri durur. Şəkərli diabet xəstələri mütləq qaydada COVID-19-a qarşı peyvənd vurdurmalıdırlar".