Müasir günümüzdə əksər insanlar siqaret çəkərək aclıq hissini aradan qaldırmağa çalışırlar. Onlar hətta acqarına siqaret çəkməyin zərərsiz olduğunu söyləyirlər. Lakin aclığı siqaret çəkərək aradan qaldırmağın ağciyərlərə vurduğu zərərin onları ölümə yaxınlaşdırdığını bilmirlər.
Aztibb.az xəbəbr verir ki, Harvard Universitetinin mütəxəssisləri siqaretə qatılan aromatizatorların 75%-nin kimyəvi tərkibində toksiki maddələr olduğunu sübut ediblər. Onların araşdırmaları bu aromatizatorların tərkibində diasetil olduğunu ortaya çıxarıb.
Diasetil yağı əvəz edən kimyəvi maddədir. Bu maddə respirator xəstəliklərin əmələ gəlməsinə və bronxların tutulmasına səbəb olur. Düzdür, diasetildən qida sənayesində də istifadə edilir. Amma mütəxəssislər onun uzun müddət istifadə edildiyi zaman zərərli olduğunu qeyd edirlər.
Bronxların tutulması ciddi xəstəliklərə səbəb olur. Bu patoloji prosesi geri qaytarmaq mümkün olmur. Diasetil siqaret vasitəsilə bronxlara daxil olduqda orada hava torbalarına bənzər xırda hissəciklər əmələ gətirir və ağciyərlərin funksiyasını pozur.
Bu zaman siqaret çəkənlərdə aşağıdakı əlamətlər meydana çıxır:
öskürmə;
xırıltılı nəfəsalma;
titrətmə-üşütmə;
gecə tərləmələri;
çəkinin azalması.
Mütəxəssislər bu xəstəliyin baş verməməsi üçün uzun müddət acqarına siqaret çəkməyi və ya aclıq hissinin siqaret vasitəsilə aradan qaldırmağı məsləhət bilmir.
