Avropa Komissiyasının sədri Ursula fon der Layen Avropa İttifaqının (Aİ) aprel ayından etibarən hər ay müxtəlif istehsalçılardan təxminən 100 milyon doza koronavirus peyvəndi alacağını gözləyir.

Aztibb.az-ın TASS-a istinadən verdiyi xəbərə görə, bu barədə komissiya sədri "Stuttgarter Nachrichten" qəzetində dərc olunan müsahibəsində deyib.

"Aprel ayından etibarən peyvənd dozalarının sayı istehsalçıların planlaşdırdığına əsasən iki qat artacaq" - fon der Layen bildirib. Onun sözlərinə görə, bu, xüsusilə Aİ-də yeni peyvəndlərin istifadəsinin təsdiqlənməsi ilə bağlıdır.

Martın 11-də Avropa dərman vasitələri agentliyi (EMA) "Johnson & Johnson" istehsalı olan vaksinin təsdiqlənməsini tövsiyə etməyi planlaşdırır.