Azərbaycan Milli Elmlər Akademiyasının müxbir üzvü, Türkiyənin Akdəniz Universitetinin professoru Tərlan Məmmədov koronavirusa qarşı bitki mənşəli vaksin üzərində tədqiqatlar aparır. O, bu istiqamətdə 20 nəfər magistr və aspirantdan ibarət bir heyətlə çalışır. Alim hazırlanan bitki mənşəli vaksinlə bağlı  ''Xəzər Xəbər''ə müsahibə verib.

Aztibb.az-ın məlumatına görə, T.Məmmədov qeyd edib ki, COVID-19 qarşı vaksinin hazırlanması istiqamətində işlər uğurla davam etdirilir. Bu məqsədlə bir neçə vaksinin nümunəsi hazırlanaraq heyvanlar üzərində test edilib.

Alimin sözlərinə görə, ən vacib məsələlərdən biri COVID-19-a yoluxmuş, lakin sonradan sağalan xəstələrdən götürülən qanda aparılan analizlərdir. Bu istiqamətdə də müsbət nəticələr əldə olunub.