ABŞ-ın Ekoloji Tibb Milli İnstitutu müəyyən edib ki, piylənmə qızların cinsi yetişkənliyinə birbaşa təsir edir. Daha əvvəl aparılmış tədqiqatlar göstərib ki, piylənməsi olan qızlarda cinsi yetişkənlik və ilk menstruasiya normal çəkili qızlardan əvvəl başlayır.

Aztibb.az meddaily.ru-ya istinadla xəbər verir ki, Amerika alimlərinin son tədqiqatlarına əsasən, orqanizmində həddən artıq piy olan qızlarda cinsiyyət yetişkənlik dövrünün ortasında və sonunda FSH, ingibin B, eləcə də testosteron kimi kişi hormonları daxil olmaqla bəzi reproduktiv hormonların daha yüksək səviyyələri müşahidə olunur.

Artıq çəkili bəzi qızlarda testosteronun daha yüksək səviyyəsi bədəndə qeyri-müntəzəm menstruasiya dövrləri, akne və bədəndə tüklənmə ilə müşahidə olunur.

Bununla yanaşı, artıq çəki fonunda cinsiyyət yetişkənliyi dövrünün sonunda sinə böyüməsində ləngimə və menstruasiyanın erkən başlaması təsbit edilib. Lakin yumurtalıqların yetişməsinə və uşaqlığın vəziyyətinə artıq çəki təsir etməyib.

Bu nəticələr 8-15 yaşlı 90 qız üzərində dördillik müşahidələrə əsasən əldə olunub. İştirakçılardan 36 qız piylənmədən əziyyət çəkib, 54 qız isə normal çəkiyə malik olub.