Qan qrupları arasında (O) I qan qrupuna məxsus şəxslər daha çox uğursuzluqlarla qarşılaşır.

Aztibb.az med2.ru-ya istinadən xəbər verir ki, bu barədə yapon alimləri araşdırma aparıb. Məlum olub ki, I qan qrupu nümayəndələri daha çox həyati təhlükə daşıyan xəsarət alırlar.

Demək olar ki, I qan qrupu nümayəndələrinin üçdə biri (28%) aldıqları xəsarətlər nəticəsində ölüb. Digər qan qruplarının nümayəndələri arasında xəsarət səbəbi ilə ölüm 11% təşkil edib. Buna görə də, I qan qrupunun ən "travmatik" qan qrupu olduğu qeyd edilib.

Alimlərin fikrincə, bunun səbəbi birinci qrupun ən aşağı laxtalanma qabiliyyətinə sahib olmasıdır. Yəni bir insan orqan zədəsi nəticəsində deyil, qan itkisi nəticəsində ölür.

Ancaq birinci qan qrupunun üstünlükləri də var. 2018-ci ildə aparılan bir tədqiqat nəticəsində I qan qrupundakı insanların 10%-dən azında ürək-damar xəstəlikləri olur.