Bakı Sağlamlıq Mərkəzinin icraçı direktoru Asiman Həsənov bu tibb müəssisəsində müalicə alan Xalq artisti Rafiq Hüseynovu (Rəmişin) ziyarət edib, tanınmış gitara ifaçısının səhhətinə baxış keçirib.

Bu barədə Aztibb.az-a Bakı Sağlamlıq Mərkəzindən məlumat verilib.

Müalicə həkimləri ilə xəstənin vəziyyəti və müalicənin gedişatı haqda maraqlanan Asiman Həsənov həkimlərə öz tapşırıqlarını verib. Bildirib ki, Rafiq Hüseynovun müalicəsi tam yekunlaşana qədər daim tibbi kollektivimiz tərəfindən ciddi nəzarətdə saxlanılacaq.