Xəbər verdiyimiz kimi, Xalq artisti Rafiq Hüseynov (Rəmiş) xəstəxanaya yerləşdirilib.

Aztibb.az-ın məlumatına görə, gitara ifaçısının xanımı Gülü Hüseynova onun müalicəsinin davam etdiyini bildirib. 

"Rəmiş hazırda reanimasiyadadır. Həkimlər lazım olan hər şeyi edirlər. Amma məni yanına buraxmırlar. Rəmiş xəstəxanaya yerləşdirilən gündən onu görmürəm. İnanıram ki, tezliklə ayağa qalxacaq", - deyə G.Hüseynova bildirib.

Qaraciyərində problem olan Xalq artistinin halı son günlər pisləşmişdi. Sənətçinin qaraciyərinə su yığılmışdı.

Qeyd edək ki, Rəmiş  Heydər Əliyev Fondunun prezidenti Mehriban xanım Əliyevanın göstərişi ilə xəstəxanaya yerləşdirilib.