İspaniyada hər il 14 yaşınadək olan 1100 uşağa xərçəng diaqnozu qoyulur. İnkişaf etmiş ölkələrdə xəstəlikdən baş verən uşaq ölümlərinin əsas səbəbi məhz xərçəngdir. Xərçəng uşaq ölümləri arasında qəzadan sonra ikinci ölüm səbəbidir.

Aztibb.az xəbər verir ki, uşaqlarda ən çox leykemiyaya (uşaq xərçənginin əksər növlərinin 30 faizi), ondan sonra isə mərkəzi sinir sisteminin onkoloji xəstəliklərinə (22 faiz) rast gəlinir.

Lakin, xərçəng xəstəliyinə tutulmuş uşaqların 77 faizi müalicə olunur və bu rəqəm daim artır. Qeyd edək ki, bu göstərici 1980-ci ildə onkoloji halların yalnız 54 faizi həddində olub.