İtaliyada 86 yaşlı qadının koronavirusa yoluxduqdan sonra damarlarında ciddi qan laxtalanması ortaya çıxıb. 

Aztibb.az xəbər verir ki, tıxanmanın qadının səhhətinə ciddi ziyanı olduğu və təhlükəli hal aldığı üçün həkimlər çarəni barmaqları kəsməkdə görüblər. Xəstənin vəziyyətinə koronavirusun ciddi təsir etdiyi bildirilib.

Həkimlər virusun damarlarda tıxanma yaratdığına tam əmin olmadıqlarını, lakin bunun koronavirusla meydana gələn 'sitokin fırtınası' adlanan bir immunitet reaksiyasıının nəticəsi olduğunu bildiriblər. İmmunitet reaksiyası həddindən artıq sürətlənməyə başladıqda, qan toxumasının azalmasına və zədələnmiş damarlarda laxta əmələ gəlməsinin artmasına səbəb olan sağlam toxumalara ziyan vurduğu qeyd edilir.

Həkimlər qan laxtalanması problemini olan çox sayda COVID-19 xəstəsini gördüklərini deyiblər. Bu da xəstəliyin həm damar, həm də tənəffüs yolu infeksiyası olduğuna dair narahatlıqlar yaradır.