BMT insani böhranın yaşandığı Yəməndə bu il içində beş yaşından kiçik 400 min uşağın aclıqdan ölmə təhlükəsi ilə üz-üzə olduğunu açıqlayıb.

Aztibb.az-ın xarici KİV-ə istinadən xəbərinə görə, bu barədə məlumat BMT-nin tabeliyindəki Ümumdünya Qida Proqramı, Qida və Əkinçilik Təşkilatı, Ümumdünya Səhiyyə Təşkilatı və UNICEF-in hazırladığı birgə hesabatda yer alıb.

Hesabatda ölkədəki aclıq təhlükəsinin sürətlə yüksəldiyi bildirilib. Donor dövlətlərə vəd etdikləri yardımları daha tez təşkil etmələri ilə bağlı çağırış edən BMT qurumları təkcə uşaqların deyil, hamilə və azyaşlı uşaqları olan qadınların da kifayət qədər qidalana bilmədiklərini vurğulayıblar.

Qeyd olunub ki, ölkədə 2,3 milyon uşaq aclıqla üzləşib, onlardan 400 mini ölümlə qarşı-qarşıyadır.