"Azərbaycanda vaksinasiya prosesi başlayan ilk günlərdə peyvənd vurdurmuşam, özümü çox yaxşı hiss edirəm".
Bunu 5 saylı şəhər Kliniki Xəstəxanasının Yanıq şöbəsinin müdiri Şöhrət Məmmədov bildirib.
O, vaksinasiyadan sonra səhhətində narahatlıq hiss etmədiyini deyib: “Bizim xəstəxanada digər işçilər də mənimlə eyni vaxtda peyvənd olunublar, onların da səhhəti qaydasındadır".
Şöhrət Məmmədov vətəndaşların peyvənd olunmasının zəruriliyini qeyd edib:
"İnsanlara tövsiyə edirəm ki, peyvənd vurdurmaqdan qorxmasınlar. Vaksinasiya orqanizmdə immunitetin yaranması üçün vacibdir. Hesab edirəm ki, hamı peyvənd olunsa, pandemiyanın öhdəsindən gəlmək mümkün olacaq. Həm də ölkəmizin istifadə etdiyi “CoronoVac” vaksini təhlükəsizdir. Tərkibində insan sağlamlığı üçün hər hansı zərərli maddə yoxdur".
