Respublikamızda pandemiyadan zərər çəkən sahələrə dövlət dəstəyi davam etdirilir. Azərbaycan Respublikası Prezidentinin sərəncamı ilə yeni yaradılan İnvestisiya Holdinqi bu istiqamətdə və iqtisadiyyatın diğər sahələrində liberallaşmaya xüsusi töhfə verəcək.

Aztibb.az-ın məlumatına görə, avqustun 8-də AzTV-nin “Hədəf” verilişində də əsas müzakirə mövzusu məhz bu məsələlər olub. Studiyanın qonaqları-İqtisadiyyat nazirinin müavini Rövşən Nəcəf və TƏBİB-in Elmi Komitəsinin sədri Akif Qurbanov sahibkarları, eləcə də vətəndaşları maraqlandıran sosial-iqtisadi xarakterli suallara aydınlıq gətiriblər. Eyni zamanda, sərt karantin rejiminin yumşalmasının növbəti mərhələsində əhaliyə müəyyən tövsiyələr veriblər.