“Fly Inn Baku” otelində “İNJURİA” Hüquq Platforması, Martin Lüter Universiteti (Almaniya), Türkiyə Tibb Hüququ İnstitutu və Azərbaycan Pediatrlar Assosiasiyasının təşkilatçılığı ilə “Hüquq, Tibb və Cəmiyyət” XVII Azərbaycan–Türkiyə–Almaniya Tibb Hüququ Simpoziumu keçirilib.

 

Aztibb.az-ın xəbərinə görə, tədbirdə Azərbaycan Respublikası Səhiyyə Nazirliyinin İctimai Səhiyyə və İslahatlar Mərkəzinin (İSİM) İctimai sağlamlıq şöbəsinin müdiri Tofiq Musayev və qurumun baş hüquqşünası Rüstəm Məmmədov iştirak ediblər.

 

Simpozium Azərbaycan, Türkiyə, Almaniya və digər ölkələrdən tanınmış ekspertləri, alimləri, hüquqşünasları, həkimləri, səhiyyə mütəxəssislərini, dövlət qurumlarının nümayəndələrini və tədqiqatçıları bir araya gətirib.

 

Beynəlxalq elmi-praktik tədbir tibb və hüquq sahələrində çalışan mütəxəssislər arasında elmi bilik və peşəkar təcrübə mübadiləsinin genişləndirilməsi, beynəlxalq əməkdaşlığın təşviq edilməsi, səhiyyə sahəsində qanunvericilik mexanizmlərinin təkmilləşdirilməsi və müasir tibb hüququnun aktual məsələlərinin müzakirəsi baxımından mühüm platforma olub.