Aztibb.az-ın "Həkimlərimizi tanıyaq!" rubrikasında Sabunçu Tibb Mərkəzinin həkim-cərrah oftalmoloqu Aysel Məmmədova haqqında məlumatları təqdim edir.

O, 2004-2010-cu illərdə Azərbaycan Tibb Universitetinin Müalicə-profilaktika fakültəsində təhsil alıb. 2010-2011-ci illərdə Dəmiryol Xəstəxanasında Oftalmologiya ixtisası üzrə internatura keçib.

Aysel Məmmədova 2012-ci ildə İstanbulda Dünyagöz Etiler Xəstəxanası oftalmologiya üzrə klinik təcrübə, 2018-ci ildə Wavelight — Refraktiv cərrahiyyə üzrə ixtisaslaşma təlimi, 2023-cü ildə Hindistanda Sahai Eye Hospitalda Katarakta cərrahiyyəsinin təkmilləşdirilməsi üzrə praktiki təlim, 2025-ci ildə Sahai Eye Hospitalda Ağırlaşmış katarakta cərrahiyyəsi üzrə təkmilləşdirmə və klinik təcrübə proqramı keçib.

2011–2016-cı illərdə Dəmiryol Xəstəxanasında, 2017-ci ildən Dünyagöz Xəstəxanasında, 2019-2022-ci illərdə "Eye&Dental” Klinikasında oftalmoloq işləyib. 2022-ci ildən Sabunçu Tibb Mərkəzində Göz şöbəsinin müdiri, cərrah-oftalmoloq vəzifəsində çalışır.

O, 2014-cü ildən Türk Oftalmologiya Dərnəyinin (Türk Oftalmoloji Derneği — TOD) həqiqi üzvüdür.