Milli Məclisin Səhiyyə komitəsi sədrinin müavini, Azərbaycan Ürək və Sağlamlıq Assosiasiyası İdarə Heyətinin sədri, ürək-damar cərrahı Rəşad Mahmudov poliklinika həkimlərinə və ürək-damar xəstələrinə müraciət edib.

Bildirib ki, ürək-damar xəstələri koronavirusa qarşı peyvənd vurdura bilər.

“Bütün açıq ürək və stentləmə əməliyyatı olunan pasiyentlərim, eləcə də yüksək təzyiq, şəkərli diabet kimi yanaşı xəstəliyi olan insanlar COVID-19 peyvəndi (SinoVac) vurdura bilər. Hətta ürək-damar xəstəliyi olan insanların sağlam insanlarla müqayisədə daha tez peyvənd olunmasını tövsiyə edirik”, - deyə həkim əlavə edib.