"Yumşalmaya addım-addım gediləcək".
Aztibb.az xəbər verir ki, bunu Nazirlər Kabineti yanında Operativ Qərargahın brifinqində çıxış edən Prezidentinin Adminstrasiyasının İqtisadi məsələlər və İnnovativ inkişaf siyasəti şöbəsinin müdiri Şahmar Mövsümov bildirib.
Şahmar Mövsümov qeyd edib ki, karantin qaydalarına əməl edilərdə, daha çox açılmalara getmək mümkün olacaq:
"Yumşalma zamanı yoluxmaların yenidən artması mümkündür. Buna görə də yumşalmaya addım-addım gediləcək. Əsas məsələ yoluxma sürətinin azaldılmasıdır. Bunun üçün birinci istiqamət karantin rejiminin qaydalarına əməl etmək, maska taxmaq, əlləri yumaq, məsafə saxlamaqdır. İkinci istiqamət həmin qaydalara nəzarəti həyata keçirməkdən ibarətdir. Üçüncü istiqamət isə yoluxanların erkən müəyyən edilməsidir. Bunun üçün ciddi işlər görülüb və hər bir yoluxanın vaxtından müəyyən edilərək təcrid edilməsi nəzərdə tutulub".
