Göz qırpılması göz qapaqlarının məcburi əzələ spazmlarıdır. Bunun başvermə səbəbi adətən çox sadə olur, lakin bəzən xroniki pozğunluq əlaməti də ola bilər.

Aztibb.az Medportal.ru-ya istinadən göz qapaqlarının qırpılmasının səbəblərini təqdim edir:

göz qıcıqlanması;

göz qapaqlarının gərginliyi;

yorğunluq;

yuxusuzluq;

həddindən artıq fiziki fəaliyyət;

müəyyən dərmanların yan təsirləri;

stress;

spirt və ya kofein içmək;

siqaret çəkmək.

Spazmlar xroniki hala gəldikdə, nəzarətsiz göz qırpması ilə nəticələnən blefarospazm adlandırılan bir xəstəlik inkişaf edir. Tipik olaraq, bu vəziyyət hər iki gözə təsir edir. Bu xəstəlik kişilərə nisbətən qadınlarda daha tez-tez baş verir.

Alimlər bu vəziyyətin dəqiq səbəbini təyin edə bilməyib.

Bəzi amillər bu xəstəliyi ağırlaşdıra bilər:

blefarit və ya göz qapağının iltihabı;

konjonktivit;

quru gözlər;

külək, parlaq işıq, günəş və ya çirklənmiş hava;

həddindən artıq yorğunluq;

foto həssaslıq;

uzunmüddətli stres;

spirt və ya kofein həddindən artıq istehlak, siqaret.

Vaxt keçdikcə blefarospazm zəif və bulanıq görmə qabiliyyətinə, gözlərin işığa artan həssaslığına və üz əzələlərinin spazmlarına səbəb ola bilər.

Bu vəziyyətin ən təsirli müalicəsi, bir neçə ay boyunca ağır qıcolmanı rahatlaşdıran Botoks enjeksiyonlarıdır. Ağır hallarda xəstələr göz qapaqlarında olan bəzi əzələlərin və sinirlərin çıxarılması üçün əməliyyat tələb edirlər (miyektomiya).

Həkimə nə vaxt gedilməlidir?

Bir qayda olaraq, miyokimiya nadir hallarda təcili tibbi yardım tələb edir. Ancaq göz qapaqlarında xroniki qırpmalar ciddi beyin və ya sinir sisteminin pozulmasının əlaməti də ola bilər.

Göz qapaqlarının bükülməsi aşağıdakı simptomlarla müşayiət olunarsa həkim müayinəsi mütləqdir.

Bir və ya hər iki göz qırmız, şişmiş olur;

Gözün üst qapağı enir;

Hər spazmda göz qapaqları tamamilə bağlanır;

Spazmlar üzün digər hissələrinə təsir göstərməyə başlayır.

Bu vəziyyətdən tez bir zamanda qurtulmaq üçün özünüz nə edə bilərsiz?

Əksər hallarda, göz qapaqlarının spazmları heç bir müdaxilə olmadan keçib gedir. Ancaq bu vəziyyətdən tez bir zamanda qurtula və ya qarşısını ala bilərsiniz.

Xatırladığımız kimi, əksər hallarda stres, yorğunluq və kofein, alkoqol və tütünün həddindən artıq istehlakı səbəbindən göz "atır". 

Bunlara əməl edərək xroniki hal almayan göz qırpmasından qurtula bilərsiniz:

Daha az kofeinli və spirtli içki içmək;

Siqareti tərgitmək:

Kifayət qədər yatmaq;

Gözlərinizə isti kompres tətbiq edin.

Bunlara əməl etməklə vəziyyətin riskini minimuma endirə bilərsiniz.