Bu barədə həkim-fitoterapevt Fizuli Hüseynov məlumat verib.

 

Həkimin sizlərinə görə, uşaqlar xəstələndikdə daha doğrusu pnevmoniya (sətəlcəm) olduqda uşağın sinə və kürəyini yarıbayarı qarışdırılmış zeytun və kamfora yağı ilə masaj etmək olar, tək kamfora yağından istifadə etdikdə uşağın dərisi yana bilər.

 

Massaj məqsədi ilə keçi piyindən də istifadə etmək olar. Keçi piyi təxminən qoz böyüklükdə əldə yumşaldılır, uşağın sinə və kürək nahiyyələri masaj olunur. Keçi piyi həm tərlədici, həm də tempratur salıcıdır.

 

6 aya qədər olan uşaqlara biyan kökü dəmləməsi çox effekli təsir edir. Belə ki, yarım çay qaşığı biyan kökü 1 stəkan suda 5 dəqiqə qaynadılır sonra bu 1 stəkan dəmləmə gün boyu uşağın içdiyi bütün çaylara və sulara qarışdırılır. Çalışmaq lazımdır ki, uşaq gün ərzində 1 stəkanı içə bilsin. Biyan köklərinin tərkibində hormonlara bənzər maddələr (saponinlər) vardır ki, bunlar uşağın həm iştahını və həm də immunitetini yaxşılaşdırır, o, həm də şirindir. Biyan kökü dəmlənməsini 10 gün vermək olar. Əgər öskürək artıq 2 həftəni ötüb və keçmirsə, o zaman 30 qram rafinə olunmamış zeytunu isidərək içinə 10 qram kiçik-kiçik propolis doğrayıb qarışdırıb əritmək, yağ soyuduqdan sonra süzüb qatran hissəsini atmaq və 100 qram bal ilə qarışdırmaq olar. Bu qarışımdan 1 yaşdan yuxarı uşaqlar üçün gündə 3 dəfə yeməkdən əvvəl çay qaşığının ucunda vermək mümkündür. 5 yaşdan yuxarı uşaqlara gündə 3 dəfə yarım çay qaşığı vermək olar. Bu üsulu 2 həftə ərzində davam etmək olar.